Bahor fasli haqida sherlar to‘plami

Bahor keldi!🌸

Bahor keldi o’lkamizga
Yana keldi qaldirg’och
Humo qo’ndi yelkamizga
Borliq bizga bag’ring och

Bahor fasli tarovatin
Shunda bildim tabiat
Qish ketib bahor keldi
Quyosh bobo nuring soch

Bahor kelinchak misol
Sepin yoydi olamga
Ko’rib ko’zing quvnaydi
Boychechagu lolamga

O’zingdir olam ko’rki
Fasllar kelinchagi
Bolasi orom olgan
Kelinchak belanchagi

Senda hayot mujassam
Sen yasharish faslisan
Yangi yil ibtidosi
Yorqin hayot aslisan!

Sherlar Olami 📃:
Абдулла Орипов, Ўзбекистон Қаҳрамони, Ўзбекистон халқ шоири

СЕН БАҲОРНИ СОҒИНМАДИНГМИ?

Уйғонгувчи боғларни кездим,
Топай дедим қирдан изингни.
Ёноғингдан ранг олган дедим —
Лолазорга бурдим юзимни,
Учратмадим аммо ўзингни,
—  Сен баҳорни соғинмадингми?

Узоқларда залворли тоғлар
Хаёлимни келдилар босиб.
Кечди қанча интизор чоғлар,
Васлинг менга бўлмади насиб,
Сенсиз мен ҳам, баҳор ҳам ғариб,
—  Сен баҳорни соғинмадингми?

Ўнгирларда сакрайди оҳу,
Наъматакда саъва миттижон.
Қорликлардан сипқарилган сув,
Дараларда уради жавлон.
Нигоҳимдан фақат сен пинҳон,
—  Сен баҳорни соғинмадингми?

Мана, бугун наврўзи олам,
Дўстларимга гуллар тутарман.
Қайлардасан, севгили эркам…
Қўлимда гул, сени кутарман,
Умрим бўйи чорлаб ўтарман,
—  Сен баҳорни соғинмадингми?

https://sherlari.uz/category/sherlar

☝️ Do’st va Yaqinlarizga yuboring ❗️

🌷БАҲОР🌷

Юрагимни босиб олган қиш,
Совуқ санчар сумалакдан ниш,
Кузда келган соғинчли ташвиш,
Кетмаяпти дилимдан зинҳор,
Сени жуда соғиндим, баҳор.

Мужда келди бодом шохида,
Қишнинг қаҳри тутди охида.
Пинҳон йиғлаб олдим гоҳида,
Йўлларингга қилдинг интизор,
Сени жуда соғиндим, баҳор.

Тўрт фасл ўз ўрнида керак,
Лекин сени ўрнинг бир, бўлак.
Кийиб олсанг атласдан кўйлак,
Хароратдан эриб кетар қор,
Сени жуда соғиндим, баҳор.

Энди булбул сайрайди шодон,
Қалдирғочлар очар полапон,
Бахт,  қувончга тўлар ҳар макон,
Шарқираб куй чалади анҳор,
Сени жуда соғиндим, баҳор.

Аёз изин ойнакка солди,
Қуёш чиқмай, тонг уҳлаб қолди.
Сени кутиб кўзларим толди,
Энди туним ўтмайди бедор,
Сени жуда соғиндим, баҳор.

Келиб, дилим эритгин муздан,
Уҳлашни у ўрганди куздан.
Совуқ келиб чимчилаб юздан,
Эркаласа энтикди Донёр,
Сени жуда соғиндим, баҳор.

https://sherlari.uz/category/sherlar

БАҲОР

Тўрт фаслнинг олдида
айтай бугун изҳорим.
Қучоғим очиб кутиб,
қилай севги изҳорим.
Фасллар орасида
чиройли бетакрорим.
Хуш келдинг суюклигим,
хуш келдинг эй бахорим!

Ердан бойчечак чиқар —
кулиб қараб қорларга.
Қуёш севги-ла боқар
қишга меҳри борларга.
Хушнаво ила кириб
ўшал кўнгли торларга.
Хуш келдинг суюклигим,
хуш келдинг эй бахорим!

Севги куртак очади,
тошларга алам қилсин.
Зилол сув қиқирлар, кўз
ёшларга алам қилсин.
Севиб қолмаган ёлғиз
бошларга алам қилсин.
Хуш келдинг суюклигим,
хуш келдинг эй бахорим!

Етти малак пиширар
дошқозонда сумалак.
Чиройига зеб берар
етти рангли камалак.
Атрофида парвона
ошиқ бўлиб капалак.
Хуш келдинг суюклигим,
хуш келдинг эй бахорим!

Ёмғирларинг ювади
юракдаги доғларни.
Сеҳрли жозибанг чоғ
қилади димоғларни
Чиройинг бош эгдирар
ҳатто мағрур тоғларни.
Хуш келдинг суюклигим,
хуш келдинг эй бахорим!

Ям-яшил ўт, майсазор
ажиб ифорлари бор.
Қир-адирлар лолазор,
алвон гулзорлари бор.
Баҳорни севиб қолган
биздек дилдорлари бор.
Хуш келдинг суюклигим,
хуш келдинг эй бахорим!

ДИЛДОРА АБДИНАЗАРОВА ✍