Armiya bilan xalq
Askar safda borar: bir, ikki, uch!
Tuprog’i zar yurtim, tog’lari marjon.
Birlik, yakdillikda eng qudratli kuch –
Armiya bilan xalq bir tan-u bir jon!
Sheryurak bobolar hayoti o’rnak,
Saodat – Vatanga bo`lmoqlik o’g’lon.
Gar fido bo’lmasang jon nega kerak,
Armiya bilan xalq bir tan-u bir jon!
Zirrilaydi zamin tashlasam qadam,
Na’ra tortsam qalqib ketadi osmon.
Tinchlik barqarorki, har bir kun bayram
Armiya bilan xalq bir tan-u bir jon!
Oq yuvib, oq tarab o’sdirding, ona,
Meniki, bizniki bu qutlug’ makon.
Temuriy voris bor, el bor yagona,
Armiya bilan xalq bir tan-u bir jon
14- yanvar Vatan himoyachilari kuniga tabrik she’r
Bir kecha qo‘qqisdan uyg‘onib ketdim,
Soatga qarasam, ikkimi yo uch.
(Ehtimol sovuqdan) junjukdi etim,
Tashqariga tortdi allaqanday kuch.
Qandaydir sharpani ilg‘ab o‘zicha,
Go‘yo ogoh etib bizlarni xavfdan,
“Havf, havf”, deya bor ovozicha
Kuchuk hurar edi qo‘shni tarafda.
Ko‘ngil-da, atrofni ko‘zdan kechirdim,
Shukrki, hammayoq tinch va osuda.
Tunchiroq nurida ko‘rib, entikdim,
Farzandlarim yotar qator uyquda.
Hovlida o‘ynoqlab, kuylaydi shamol,
Bir-birin raqsga tortar xazonlar.
Daraxtlar jimgina surmoqda xayol,
Boshini tebratar gulu rayhonlar.
Tinchlik, hotirjamlik – ezgu tushuncha,
Shaksiz, yaratganning inoyati – bu.
Va ayni paytda qanchadan qancha,
Bedor nigohlarning sharofati – bu.
Kunni kun, tunni tun, demay, sarhadda,
Bedor, sergak turgan, ey askar ukam,
Sizlar bor, yashaymiz tinch, farog‘atda,
Yaxshiyam sizlar bor – bizlarga ne g‘am.
Tinchlik qadrin bildim ota bo‘lgach men,
Shular bor, ko‘naman hayot g‘amiga.
Bola kulgusiga, aytgil, nima teng,
Dunyoni alishmam tabassumiga.
Senga ko‘ngildagi borini aytay,
Sabru sabot tilay ayni choqda man.
Yaxshi niyat bilan sizlarga atay,
Uchta o‘rinbosar o‘stirmoqdaman.
Mudomki turibsiz ko‘krakni kerib,
Yo‘l yo‘q havotirga, yo‘l yo‘q qayg‘uga.
Endi dilbandlarim yoniga kirib,
Uyquga ketaman, shirin uyquga.
Armiyamiz mustahkam
Armiyamiz mustahkam,
Xalqparvardir chinakam,
Yurtimizda har askar,
Jasur, mard va xaloskor.
O’zbekiston o’g’loni,
Bo’lib tinchlik posboni,
Barcha ezgu insonni,
Sharaflaydi jahonni.
Vatan himoyachilari kuniga sher
Mart o’g’lonlar turar to’p,
Ona zamin Vatan deb,
Qorachig’dek asrar xo’p,
Mustaqillik erkimiz,
O’zbekiston yurtimiz.
Har bir o’g’lon burchidir,
Asrab avayla yurtdir,
O’z uyida xursanddir,
Mustaqillik yurtimiz,
O’zbekiston yurtimiz.
Bizdan keyin farzandlar,
Bizdek asrab avaylar,
Dunyo O’zbekni bilar,
Mustaqillik erkimiz,
O’zbekiston yurtimiz.
O’zbekdan sayyoxlarga,
Kerakmas taklif noma,
Nimasidir yoqqanda,
Mustaqillik erkimiz,
O’zbekiston yutimiz.
Bizning yoshlar birinchi,
Kelajak boshi bari,
Ona deydi Vatanni,
Mustaqillik erkimiz,
O’zbekiston yurtimiz.
Yurt boshimiz bobomiz,
Muqaddas vatanimiz,
Asraymiz tinchligimiz,
Mustaqillik erkimiz,
O’zbekiston yurtimiz
👮♀ Jajji askarlar
Bizlar jajji askarlar ,
Yurt posboni navkarlar.
Yovga qilmaymiz shafqat ,
Qo’rqmas botir , shunqorlar .
Yelkamizda avtomat,
Turib navbatma-navbat.
Qo’riqlaymiz sarhadni,
Misli alpomish kelbat.
Jajji askarmiz hali,
Ko’rganlar aytar balli.
Vatan ishonar, uning,
Biz ertasi, iqbolli.
Askar-askar o’ynaymiz
-Askar-askar o’ynaymiz,
-Biz askar, biz askar.
-Askar-askar o’ynaymiz,
— Siz askar, siz askar.
-O’q otishga yo’l bo’lsin ,
-Qo’ymaymiz-qo’ymaymiz.
-Biz ham kichik qo’riqchi,
-Askarlarmiz, askarlar.
-Yurtimizni tinch-omon,
-Asraymiz, asraymiz.
bayramingiz, bo’lsin muborak.
Tinch turmas azaldan bu ko’hna olam,
Endi dunyo yuzi urush ko’rmasin.
Aqlli, baquvvat, kuchli yigitlar
Qutlug’ bayramingiz, bo’lsin muborak.
Sizgadir olqishlar, sizga sharaf-shon,
Doimo yor bo’lsin sizlarga zafar,
Bugun bayramingiz bilan qutlabon,
Mening ham sizlarga tilagim bisyor.
Unutmang, vatanga siz doim kerak,
Qutlug’ bayramingiz bo’lsin muborak!
Vatanim o’g’lonlari.
Kuch qaynar bilagida,
O’t yonar yuragida.
Postiga sergak juda,
Vatanim o’g’lonlari.
Deydi tinch bo’lsin osmon,
Zaminda yetilsin don.
El sokin olsin orom,
Vatanim o’g’lonlari.
Yomonlik bo’lmas sodir,
Aslo olmang xavotir.
Dovyurak,yovqur,botir,
Vatanim o’g’lonlari!
Vatanini sevadi,
Ardoqlaydi doimo.
Vatan tuyg’usi yuragida,
Vatanim o’g’lonlari!
Bir-biriga yelkadosh,
Maslakdosh hamda hamkor,
Deydi:Kuch-adolatda
Vatanim o’g’lonlari!
Qora bulut to’sa olmas,
O’zbek moviy osmonin,
Doim yorug’ quyoshi,
Vatanim o’g’lonlari!
O’zbekiston mard o’g’lonlari
O’zbekiston mard o’g’lonlari
Bahodirlar,pahlavonlari
Tinchligimiz chin posbonlari
Bayramingiz bo’lsin muborak!
Qayda bo’lmang,yermi,osmonda,
Tog’mi,dala,cho’l,biyobonda
Bu muqaddas ona makonda,
Bayramingiz bo’lsin muborak!
Vatan ishqi ko’nglingizdadir
Yurt taqdiri qo’lingizdadir
Nigohimiz yo’lingizdadir
Bayramingiz bo’lsin muborak!
Sizga tahsin botir yigitlar!
Olovyurak,nodir yigitlar!
Ko’ksi qalqon,chayir yigitlar,
Bayramingiz bo’lsin muborak!
ARMIYAMIZ MUSTAHKAM
Armiyamiz mustahkam,
Xalqparvardir chinakam,
Yurtimizda har askar,
Jasur, mard va xaloskor.
O’zbekiston o’g’loni,
Bo’lib tinchlik posboni,
Barcha ezgu insonni,
Sharaflaydi jahonni.
👇👇👇👇👇
14 Январь Ватан ҳимоячилари кунига бағишланди!
ВАТАН ХИМОЯЧИЛАРИ
Ку́ксида Ватанга буюк мухаббат
Эл-юртин тинчини у́йлайди хар он
Ватан хоинига йу́к дейди шафкат
Ватанни қу́риқлар асл мард у́ғлон.
Бир ховуч тупроғин бермайди ёвга
Ёв назари тушса даф этар шу он
Ватанни ғанимга қилмайди совға
Ватанни қу́риқлар асл мард у́ғлон.
Керак бу́лса ҳатто берар жонини
Ортида Ватан бор , азиз, меҳрибон
Хақ, дейди , нохақни олмас ёнини
Ватанни қу́риқлар асл мард у́ғлон.
Қайтмас Ватан учун тик турса ажал
Ватан шаънин асрар дилдан бегумон
Ғараз ку́зла боққан , йу́қдир шу махал
Ватанни қу́риқлар асл мард у́ғлон.
Сархади мустахкам , у́толмас қуш хам
Меҳрибон Онам дер , шу У́збекистон
Опа-сингил , акам, бири деб укам
Ватанни қу́риқлар асл мард у́ғлон.
Vatan xizmatida yurgan o‘g‘lonlar
Ahd-vafoni ajdodlardan o‘rgangay –
El-u yurtim degan, ko‘ksi qalqonlar,
Mudom sharaf-u shonga burkangay –
Vatan xizmatida yurgan o‘g‘lonlar.
Yuragida nomus bo‘lar, or bo‘lar,
Mag‘rurlikda lochin bo‘lar, sor bo‘lar,
Orzulari tog‘dek ulug‘vor bo‘lar,
Vatan xizmatida yurgan o‘g‘lonlar.
Bo‘stoniga quzg‘un-zog‘ni yo‘latmas,
Qo‘rg‘onining bir toshin ham qulatmas,
Ichgan qasam, aytgan so‘zidan qaytmas,
Vatan xizmatida yurgan o‘g‘lonlar.
Suvlar kechsa hamki, etik yechmagay,
Yovuzlarning hiylasiga uchmagay,
Jondan kechsa hamki, yurtdan kechmagay,
Vatan xizmatida yurgan o‘g‘lonlar.
Toki bordir, mard, jasur posbonlari,
Musaffodir hur Vatan osmonlari.
Omon bo‘lsin, el fidoyi jonlari –
Vatan xizmatida yurgan o‘g‘lonlar.
жасур йигитлар
Сизда кўрдим жўшқин шижоат,
Сизда бордир метин матонат,
Тун-у кунда кўрмай ҳаловат,
Қўриқлайсиз Ватанни сизлар,
Алп қоматли жасур йигитлар!
Қўлда тутиб Ватан байроғин,
Кўзга суртиб мўъжаз тупроғин,
Аждодларим олиб сабоғин,
Қўриқлайсиз Ватанни сизлар,
Метин иродали, жасур йигитлар!
Аскарлик ҳам сиз учун бир бурч,
Аллоҳ берсин қувват ҳамда куч,
Сиз посбонсиз, ёв келса гар дуч,
Қўриқлайсиз, Ватанни сизлар,
Юрт посбони, жасур йигитлар!
Савлатингиз ёвни қўрқитар,
Либосингиз кўзни қувнатар,
Оилангиз интиқиб кутар,
Қўриқлайсиз, Ватанни сизлар,
Ишончни оқловчи жасур йигитлар!
Ашъорим сўзлари ҳалқим нидоси,
Сиз албат эрурсиз Ватан фидоси,
Сизни асрагайдур ҳалқим дуоси,
Қўриқлайсиз Ватанни сизлар,
Юрт посбони жасур йигитлар!
14-Январ Ватан ҳимоячилари куни!
Ватан ҳимояси муқаддас шараф,
Юртни асрагайдир ботир ўғлони.
Сиз борсиз осуда ҳар ён, ҳар тараф,
Мард, ботир ўғлонлар ватан қўрғони.
Ғурури тоғлардек виқорли, юксак,
Сабр матонати чинорга ўхшар.
Ҳар қандай ҳолатда халқига тиргак,
Яшаса эр йигит ватан деб яшар.
Ширин уйқунгиздан кечиб неча бор,
Хизматда турасиз сергак, мардона.
Либосингиз эрур, шижоат ва ор,
Атайсиз сиз юртни, иккинчи она.
Айланиб чиқсангиз етти жахонни,
Битта ҳақиқатга кўз ёполмайсиз.
Дўст этган ўзига орни, иймонни,
Ўзбек йигитидек мард тополмайсиз.
